ຄວາມແຕກຕ່າງຂອງກາບ ແລະ ກອນ

    

#ຄວາມແຕກຕ່າງລະຫວ່າງກາບ ແລະ ກອນ

 +ກາບ ແມ່ນບົດປະເພດໜຶ່ງ ເຊິ່ງມີການສຳຜັດຊ້ອນກັນຕໍ່ກັນໄປເລື້ອຍຕັ້ງແຕ່ຕົ້ນຈົນຈົບບົດ. ລັກສະນະການສຳຜັດຂອງກາບ ວັກ 1 ມີ 7 ຄໍາ, ຕອນໜ້າມີ 3 ຄໍາ ແລະ ຕອນຫຼັງ ມີ 4 ຄໍາ ໂດຍບໍ່ກໍານົດຫຼັກຄໍາປະຈໍາບ່ອນ.

ຕົວຢ່າງ: 

      ຫຼົວ ແລະ ຟືນ      ຢ່າເອົາຮອງນັ່ງ

      ເຊື້ອນັ່ງຕໍ່າ            ຢ່າໄດ້ນັ່ງສູງ...

+ກອນ ແມ່ນບົດແຕ່ງປະເພດໜຶ່ງ ເຊິ່ງມີການສໍາຜັດເກາະກ່າຍກັນເປັນແຖວຄືດັ່ງກອນເຮືອນ. ລັກສະນະຂອງກອນໃນວັກໜຶ່ງ ມີ 7 ຄຳ, 9 ຄຳ, 11 ຄໍາ, ຫຼື 15 ຄຳ, ມີຄໍາບຸພະບົດ ແລະ ຄໍາສ້ອຍ. ມີການກຳນົດຫຼັກຄໍາປະຈໍາບ່ອນ.

ຕົວຢ່າງ: 

ຫອມຫຼາຍເດດວງດອກໄມ້ ຈໍາປາເບັ່ງບານສີ ລາວເອີຍ

ຫອມບໍ່ເຫີຍຫາຍຮັກ         ບໍ່ຈືດຈາງວາງເວັ້ນ

ຫອມລື່ນວງຈັນຄູ້             ສະເໜີຫາຮັກຫໍ່

ຂໍກອດກອນກາບສ້ອຍ        ເປັນພວງຮ້ອຍຮວດງາມ 

                                         ດອກແລ້ວ!