ຖ້າບໍ່ຢາກເສຍເພື່ອນ ຫຼື ຄົນທີ່ຮັກ ຢ່າທັກທາຍແບບນີ້ ມາເບິ່ງກັນເລີຍວ່າມີຫຍັງແດ່

 

1. ເຈົ້າຕຸ້ຍຂຶ້ນໃດນີ້!! 

  

 ເຈົ້າອາດຈະເວົ້າຄວາມຈິງ ແຕ່ເປັນການທໍາລາຍຈິດໃຈກັນໂດຍ ທາງອ້ອມ.

2. ມີແຟນແລ້ວບໍ ? 

    ເຮັດໃຫ້ຄົນທີ່ຖືກຖາມໜ້າແຕກ ແລະ ຄູດວ່າຕົວເອງບໍ່ດີ, ຂີ້ຮ້າຍຈຶ່ງບໍ່ມີແຟນ, ເຮັດໃຫ້ເຂົາຮູ້ສຶກນ້ອຍເນື້ອຕໍ່າໃຈ.

3. ຍາມໃດຊິແຕ່ງດອງ?

    

   ເປັນຄໍາຖາມທີ່ເຮັດໃຫ້ຄົນຖືກຖາມຮູ້ສຶກວ່າຕົວເອງບໍ່ມີໃຜເອົາ, ກໍາລັງຈະຂຶ້ນຄານ, ທີ່ສໍາຄັນຄັນກໍເປັນການກ່າວໃກ້ເລື່ອງສ່ວນຕົວຂອງເຂົາ( ໃນໃຈອາດຈະຄິດວ່າຊິແຕ່ງຍາມໃດກໍເລື່ອງຂອງຂ້ອຍ) 

4. ມີເງິນເກັບເທົ່າໃດ?

     ເງິນຂອງເຂົາ ຊິມີເທົ່າໃດກໍເລື່ອງຂອງເຂົາ. ບາງທີຄົນຖືກຖາມກໍຄິດວ່າ ຄັນວ່າມີຫຼາຍຄົນຖາມຄົງຫວັງຢືມ, ປຸ້ນ ຫຼື ຄັນວ່າມີໜ້ອຍ ກໍຄົງຖືກດູຖູກ. 

5. ໄດ້ເງິນເດືອນເທົ່າໃດ ? 

    

  ເປັນສິ່ງທີ່ບໍ່ຄວນຖາມຢ່າງຍິ່ງ ເພາະເປັນສິດຂອງໃຜມັນ ຫຼື ອີກຢ່າງໜຶ່ງກໍເປັນການຫວັງຜົນປະໂຫຍດຖ້າຮູ້ວ່າເງິນເດືອນສູງ ແລະ ຄົງຫວັງດູຖູກ ຖ້າຮູ້ວ່າເຂົາເງິນເດືອນຕໍ່າ. 

6. ໄປເຮັດຫຍັງມາ ຄືໜ້າໝອງໜ້າດໍາແທ້ ? 

    

   ຄໍາຖາມນີ້ນອກຈາກຈະເຮັດໃຫ້ຄົນທີ່ຖືກຖາມອ້າຍແລ້ວ ຍັງເຮັດໃຫ້ຮູ້ສຶກບໍ່ມັກຕົວເອງ, ຊັງຕົວເອງພ້ອມ ຊັງຄົນຖາມພ້ອມ.