ຊີວິດເຮົາມີຂຶ້ນມີລົງ, ຢ່າໄປດີໃຈມີຄວາມສຸກ ແລະ ຫຼົງກັບຄວາມສໍາເລັດນັ້ນເກີນໄປ ເພື່ອເວລາທີ່ເຮົາລົງຈະໄດ້ບໍ່ຖືກຄົນອື່ນຊໍ້າເຕີມ.
2. ຢ່າອວດຜົນງານ
ຜົນງານດີບໍ່ຈໍາເປັນຕ້ອງອວດ ໃຫ້ຄອບຄົວ, ໝູ່ເພື່ອນ ຫຼື ຄົນອ້ອມຂ້າງ ເພາະເຂົາຈະເບິ່ງເຫັນ ແລະ ຊົມເຮົາເອງ, ຈົ່ງພູມໃຈຜົນງານຕົວເອງໄດ້ ແຕ່ຢ່າພະຍາຍາມເໜືອກວ່າຄົນອື່ນ.
3. ຢ່າອວດດີ
ຄົນດີແທ້ມັກບໍ່ອວດ ຄົນທີ່ອວດມັກບໍ່ດີ. ຄົນອວດອົ່ງທະນົງຕົວ ບໍ່ມີໃຜຢາກຊ່ວຍເຫຼືອຕອນທີ່ເຮົາລໍາບາກ. ເຮົາຄວນທີ່ຈະຮູ້ຈັກຖະໜອມຖ່ອມຕົນ, ແລ້ວເຮົາຈະເປັນຄົນທີ່ຄົນອ້ອມຂ້າງຊົມ ແລະ ໃຫ້ຄວາມຊ່ວຍເຫຼືອ.
4. ຢ່າອວດຄວາມລັບ
ຄົນເຮົາຮູ້ໜ້າບໍ່ຮູ້ໃຈຢ່າທ່ຽວໄປບອກຄວາມລັບກັບໃຜເພາະຄົນສ່ວນໃຫຍ່ທີ່ຟັງໄປກໍເອົາໄປນິນທາ ຫຼື ເອົາໄປບອກຕໍ່, ຄົນທີ່ເຮົາໄວ້ໃຈໄດ້ມີໜ້ອຍ.
5. ຢ່າອວດຄວາມສຸກ
ຄົນທີ່ມີຄວາມສຸກແທ້ຈະບໍ່ໄປອວດ, ບໍ່ຕ້ອງໄປອວດຄົນອື່ນວ່າຊີວິດເຮົາມີຄວາມສຸກສົມບູນແບບ. ເພາະນັ້ນຄືຄົນທີ່ບໍ່ມີຄວາມສຸກ ແຕ່ເປັນຄົນທີ່ມີປົມ.
6. ຢ່າອວດເດັ່ນ
ຖ້າຫາກເຮົາຮູ້ວ່າຕົວເອງເດັ່ນກວ່າຄົນອື່ນ ໃຫ້ຍົກຍ້ອງຄົນອື່ນ ເພື່ອໃຫ້ເຂົາຮູ້ສຶກວ່າເຮົາເທົ່າທຽມກັນ, ຢ່າໄປຊິງດີຊິງເດັ່ນກັບຄົນອື່ນ.
7. ຢ່າອວດລວຍ
ຄົນລວຍແທ້ເຂົາບໍ່ອວດ, ຄົນທີ່ບໍ່ມີຕ່າງຫາກລະທີ່ພະຍາຍາມຫາສິ່ງນີ້ນັ້ນມາອວດຄົນອື່ນ.
8. ຢ່າອວດຮູ້.
ຫາກບໍ່ຮູ້ກໍໃຫ້ຍອມຮັບວ່າບໍ່ຮູ້ ແລະ ຢ່າບອກວ່າຮູ້ພຽງເພາະຢ້ານຈະເສຍປຽບ, ບໍ່ເສຍຫາຍດອກຫາກຈະມີຄົນຮູ້ກວ່າເຮົາ ເພາະໃນໂລກນີ້ບໍ່ມີໃຜທີ່ຈະຮູ້ທຸກເລື່ອງ.
9. ຢ່າອວດສະຫຼາດ
ຄົນສະຫຼາດແທ້ເຂົາບໍ່ຂີ້ໂມ້ໂອອວດ, ແຕ່ເຂົາຈະເນັ້ນຟັງຫຼາຍກວ່າເວົ້າ. ເຂົາຈະບໍ່ອວດສະຫຼາດໃຫ້ດູໂງ່ ແຕ່ເຂົາຈະທໍາທ່າໂງ່ໃຫ້ດູສະຫຼາດ.
10. ຢ່າອວດເກັ່ງ
ເໜືອຟ້າຍັງມີຟ້າ ເຮົາບໍ່ໄດ້ເກັ່ງກວ່າໃຜ ເພາະຄົນທີ່ເກັ່ງກວ່າເຮົາຍັງມີຫຼາຍໃນໂລກໃບນີ້. ແລ້ວຍັງມີຄົນບໍ່ເກັ່ງທີ່ອິດສາເຮົາ. ຫາກອວດເກັ່ງຫຼາຍເຮົາຈະບໍ່ພັດທະນາຕົວເອງ ແລະ ອາດຈະບໍ່ມີທີ່ຢືນໃນສັງຄົມອີກດ້ວຍ.
ความคิดเห็น
แสดงความคิดเห็น