ປະໂຫຍກທີ່ອີງໃສ່ຄໍາຕົວຕັ້ງ

         ປະໂຫຍກ ແມ່ນຂໍ້ຄວາມໜຶ່ງທີ່ມີຄວາມໝາຍສົມບູນຄົບຖ້ວນ. ຊະນິດຂອງປະໂຫຍກທີ່ອີງໃສ່ຄໍາຕົວຕັ້ງມີ 3 ປະເພດຄື: 

1. ປະໂຫຍກກົງ ແມ່ນປະໂຫຍກທີ່ຄໍາຕົວຕັ້ງເປັນຜູ້ກະທໍາເອງ.

    ຕົວຢ່າງ: - ແມວກິນປາ.

                -  ໝາກິນຊີ້ນ.

                - ນາງແກ້ວອ່ານໜັງສື.

                - ນາງຂັນກິນເຂົ້າ.

2. ປະໂຫຍກອ້ອມ ແມ່ນປະໂຫຍກທີ່ຄໍາຕົວຕັ້ງບໍ່ໄດ້ກະທໍາເອງ ແຕ່ສັ່ງໃຫ້ຜູ້ອື່ນກະທໍາ.

  ຕົວຢ່າງ: - ແມ່ໃຫ້ຂ້ອຍແຕ່ງກິນ.

                - ຂ້ອຍສັ່ງລາວໄປເຮັດວຽກ.

                - ອາຈານໃຫ້ຂ້ອຍເຮັດວຽກງານ.

                - ພໍ່ໃຫ້ແມ່ນວດໃຫ້.

3. ປະໂຫຍກຮັບ ແມ່ນປະໂຫຍກທີ່ຄໍາຕົວຕັ້ງເຮັດຕາມຄໍາສັງຂອງຜູ້ອື່ນ.

  ຕົວຢ່າງ: - ໝາຖືກລົດຢຽບ.

                - ປາຖືກແມວກິນ.

                - ຂ້ອຍຖືກແມ່ດ່າ.

                - ນັກຮຽນຖືກອາຈານໃຫ້ເຮັດບົດເຝິກຫັດ.

ອ້າງອີງຈາກປຶ້ມພາສາລາວຊັ້ນມ.4