ກາລະ ແມ່ນເຄື່ອງໝາຍບົ່ງບອກເວລາຂອງຄໍາກໍາມະ. ກາລະໃນພາສາລາວ ມີ 3 ກາລະຄື: ກາລະປັດຈຸບັນ, ກາລະອະດີດ ແລະ ກາລະອະນາຄົດ.
|
1.
ກາລະປັດຈຸບັນ ແມ່ນໝາຍເອົາເວລາດຽວນີ້, ໃນຂະນະນີ້.
ກາລະປະຈຸບັນແບ່ງອອກເປັນ 3 ລັກສະນະຄື: ·
ກາລະປັດຈຸບັນແທ້
ແມ່ນໝາຍເອົາເວລາທີ່ພວມກະທໍາຢູ່ ຫຼື ດໍາເນີນຢູ່ເຊິ່ງໃຊ້ຄໍາວ່າ: ພວມ,
ກຳລັງ, ຍັງ, ຢູ່... ຕົວຢ່າງ: -
ອາຈານກໍງລັງສອນໜັງສື -
ເພິ່ນພວມດື່ມນໍ້າ -
ລາວແຊັດນໍາຜູ້ສາວຢູ່ -
ຂ້ອຍຍັງຈົດບົດຮຽນ ·
ກາລະປັດຈຸບັນໃກ້ອະດີດ
ແມ່ນໝາຍເອົາເວລານີ້ ຫຼື ໃນຂະນະນີ້ ເຊິ່ງໄດ້ລົງມືກະທໍາລົງໄປແລ້ວ
ແຕ່ຍັງບໍ່ທັນໄດ້ສໍາເລັດເທື່ອ ໂດຍມີຄໍາວ່າ: ແລ້ວ ຫຼື ໄດ້ແລ້ວ ຕົວຢ່າງ: -
ອາຈານກໍາລັງມາແລ້ວ -
ນັກຮຽນກຳລັງເມືອເຮືອນແລ້ວ ·
ກາລະປັດຈຸບັນໃກ້ອະນາຄົດ ແມ່ນໝາຍເອົາເວລາທີ່ໃກ້ຈະມາຮອດ ຫຼື ມາເຖິງ
ເຊິ່ງພວມລົງມືເຮັດ ຫຼື ກະທໍາ ໂດຍມີຄໍາວ່າ: ຊິ, ຈະ, ຈັກ ຕົວຢ່າງ: -
ຂ້ອຍກໍາລັງຈະນອນ -
ຂ້ອຍຊິຈົດບົດຮຽນຢູ່ດອກ
2.
ກາລະອະດີດ ແມ່ນໝາຍເອົາເວລາທີ່ລ່ວງກາຍ ຫຼື
ຜ່ານພົ້ນໄປແລ້ວ ເຊິ່ງໄດ້ແກ່ຄໍາພວກນີ້ເຊັ່ນ: ໄດ້, ໄດ້ແລ້ວ, ເຄີຍ, ເຄີຍແລ້ວ,
ສຳເລັດແລ້ວ ຕົວຢ່າງ: -
ຂ້ອຍເລີກກັບລາວ
ແລ້ວ -
ອາທິດແລ້ວນີ້
ຂ້ອຍ ໄດ້ ໄປຫຼິ້ນຢູ່ຫາດທາ -
ຂ້ອຍ ໄດ້
ຮຽນຈົບ ມຊ ແລ້ວ 3. ກາລະອະນາຄົດ ໝາຍເອົາ ເວລາທີ່ຍັງບໍ່ທັນມາຮອດ ຫຼື ມາເຖິງ.
ແບ່ງອອກເປັນ 2 ລັກສະນະຄື: ·
ກາລະອະນາຄົດແທ້ ແມ່ນໝາຍເອົາເວລາທີ່ຍັງບໍ່ທັນມາຮອດ ຫຼື
ບໍ່ທັນມາເຖິງແທ້ໆ ເຊິ່ງໄດ້ແກ່ຄໍາວ່າ: ຈະ, ຈັກ , ຊິ ຕົວຢ່າງ: -
ມື້ອື່ນ
ອາຈານ ຊິ ກວດກາວິຊາພາສາລາວ -
ປີໜ້າ
ເຮົາ ຈະ ດອງກັນ -
ຕອນແລງນີ້
ອາຈານຊິມາຍາມ ພວກເຮົາ ຈັກ ຊິ ແຕ່ງຫຍັງພາເພິ່ນກິນ ·
ກາລະອະນາຄົດໃກ້ອະດີດ
ໝາຍເອົາເວລາທີ່ໃກ້ຈະລົງມືເຮັດ ຫຼື ພວມຈະກະທໍາຢູ່. ເຊິ່ງໄດ້ແກ່ຄໍາວ່າ:
ແລ້ວ, ຖ້າເປັນປະໂຫຍກຄໍາຖາມຈະໃຊ້ຄໍາວ່າ: ໄດ້ ຕົວຢ່າງ: -
ອາທິດໜ້າ
ພວກເຮົາຊິໄດ້ພັກໂຮງຮຽນແລ້ວ -
ຈັກໜ້ອຍ, ອາຈານກະຊິລົງຫ້ອງແລ້ວ
4. ກາລະບໍ່ມີກໍານົດ ໝາຍເອົາເວລາທີ່ບໍ່ມີກໍານົດແນ່ນອນ
ພຽງແຕ່ບອກເວລາລອຍໆຄືການກະທໍາ ຫຼື ການເຄືອນໄຫວແບບລອຍໆເທົ່ານັ້ນເຊັ່ນ: ບາງທີ,ເລື້ອຍໆ,
ຕະຫຼອດ ສະເໝີ. ຕົວຢ່າງ: -
ບາງຄົນມັກຮຽນໜັງສື, ບາງຄົນມັກຫຼິ້ນກິລາ -
ພວກເຂົາ
ມັກ ດື່ມ ເບຍ -
ຂ້ອຍຮັກເຈົ້າສະເໝີ -
ນາງ ສີດາ
ມັກອ່ານໜັງສືຕອນ ຕະຫຼອດ -
ກຸຫຼາບຍ່ອມມີໜາມ
ສາວຜູ້ງາມ ຍ່ອມມີແຟນ ອ້າງຈາກປຶ້ມພາສາລາວຊັ້ນມ.6 |
ความคิดเห็น
แสดงความคิดเห็น