ພະຍາງ ແລະ ຄໍາ

 

ຄວາມໝາຍຂອງພະຍາງ

   ພະຍາງ ແມ່ນສຽງຂອງຄົນເຮົາທີ່ເປັງອອກມາເທື່ອດຽວ ຫຼື ຫຼາຍເທື່ອ ເອີ້ນວ່າພະຍາງ.ຄໍາໃນພາສາລາວສ່ວນຫຼາຍເປັນຄໍາໂດດ ຫຼື ຄໍາປ່ຽວເຊັ່ນ: ພໍ່, ແມ່, ປ້າ, ລຸງ, ນົກ, ໝູ,... ແຕ່ກໍຍັງມີຄໍາທີ່ມີຫຼາຍພະຍາງເຊັ່ນ:ນັກຮຽນ, ກະດານ, ພະຍັນຊະນະ, ວັນນະຍຸດ, ຕົວສະກົດ,.....

ຕົວຢ່າງ:

-    ກະ  ມີ 1 ພະຍາງ

-    ກະຕ່າ ມີ 2 ພະຍາງ

-    ໄວຍາກອນ ມີ 4 ພະຍາງ

ອົງປະກອບຂອງພະຍາງ

-    ພະຍັນຊະນະ ແລະ ສະຫຼະ

ຕົວຢ່າງ: ມາ, ໝູ, ນາ,ຫວີ, ຂີ່,...ມີພຽງແຕ່ພະຍັນຊະນະ ແລະ ສະຫຼະ.

-    ພະຍັນຊະນະ, ສະຫຼະ, ວັນນະຍຸດ ແລະ ຕົວສະກົດ.

ຕົວຢ່າງ: ເສື້ອ, ນອນ, ໝູ່, ທີ່, ກ້ານ, ກິ່ນ,...ບາງຕົວມີພະຍັນຊະນະ, ສະຫຼະ ແລະ ຕົວສະກົດ,ບາງຕົວມີພະຍັນຊະນະ, ສະຫຼະ ແລະ ຕົວສະກົດ. ບາງຕົວມີທັງພະຍັນຊະນະ, ສະຫຼະ, ວັນນະຍຸດ ແລະ ຕົວສະກົດ.

ຄວາມໝາຍຂອງຄໍາ

ແມ່ນສຽງທີ່ຄົນເຮົາເປັນອອກມາຈາກປາກແລ້ວມີຄວາມໝາຍຢ່າງໜຶ່ງ. ຄໍາໜຶ່ງອາດມີ 1 ຫຼື ຫຼາຍພະຍາງ

ຕົວຢ່າງ: - ພໍ່ ມີ 1 ພະຍາງ

-   ໂຮງຮຽນ ມີ 2 ພະຍາງ

-   ທໍລະນີ ມີ 3 ພະຍາງ

ອົງປະກອບຂອງຄໍາ

1.     ສຽງ

ຕົວຢ່າງ: ເຮືອນ, ນົກ, ແມວ ກໍມີສຽງຂອງມັນໂດຍສະເພາະ.

2.     ຄວາມໝາຍ

ຕົວຢ່າງ: ນົກ ໝາຍເຖິງສັດປີກຊະນິດໜຶ່ງ.

ອ້າງອີງຈາກປຶ້ມພາສາລາວຊັ້ນມ.2 2021