ວ່າດ້ວຍສະຫຼະພິເສດ
ສະຫຼະພິເສດ ໝາຍເຖິງສະຫຼະທີ່ແຕກຕ່າງຈາກສະຫຼະອື່ນ
ແລະ ເປັນສະຫຼະທີ່ໄດ້ມາຈາກ xະ ປ່ຽນຮູບມາເປັນ xັ ມາປະສົມກັບຕົວສະກົດ ຍ, ວ, ມ.
ເຊິ່ງມັນບໍ່ສາມາດໃຊ້ຕົວສະກົດໄດ້ອີກເພາະມັນມີສຽງຕົວສະກົດໃນຕົວຢູ່ແລ້ວ.
ສະຫຼະພິເສດໃນພາສາລາວມີ 4 ຕົວຄື: ໄx, ໃx, ເxົາ, xໍາ.
- - ສະຫຼະ
ໄx
(ໄມ້ມາຍ) ແມ່ນໄດ້ມາຈາກສະຫຼະ xະ ປ່ຽນຮູບມາເປັນ xັ ປະສົມກັບຕົວສະກົດ ຍ ເປັນ xັຍ. ແຕ່ xັຍ ແບບນີ້ໃນພາສາລາວແມ່ນບໍ່ເຄີຍໃຊ້.
ດັ່ງນັ້ນ, ຈຶ່ງປ່ຽນມາໃຊ້ສະຫຼະ ໄx ແທນ.
- - ສະຫຼະໃx (ໄມ້ມ້ວນ)
ແມ່ນໄດ້ມາຈາກສະຫຼະ xະ ປ່ຽນຮູບມາເປັນ xັ ປະສົມກັບຕົວສະກົດ ຍ ເປັນ xັຍ.
ເປັນສະຫຼະທີ່ໃຊ້ຂຽນຄໍາສັບຕ່າງໆໃນພາສາລາວໃຫ້ສາມາດຈໍາແນກຄວາມໝາຍຂອງມັນເຊັ່ນ:
ຊາວເມືອງຫຼວງ ພະບາງ ແລະ ໄທດໍາເອີນວ່າ ອາເອີ (ໄປໃສ) ໄປສາເອີ ( ໄປກະໃລ), ທາງໃຕ້
(ທາງເຕີ)...
- - ສະຫຼະ
ເxົາ
ໄດ້ມາຈາກ ສະຫຼະ xະ ປ່ຽນຮູບມາເປັນ xັ ປະສົມກັບຕົວສະກົດ ວ ເປັນ xັວ, ແຕ່ວ່າສະຫຼະ xັວ ແບບນີ້ບໍ່ເຄີຍໃຊ້ໃນພາສາລາວ.
ດັ່ງນັ້ນ, ຈຶ່ງປ່ຽນມານໍາເອົາຮູບສະຫຼະປະສົມ ເxົາ ໃຊ້ແທນ.
- - ສະຫຼະ
xໍາ
ໄດ້ມາຈາກ ສະຫຼະ xະ ປ່ຽນຮູບມາເປັນ xັ ປະສົມກັບຕົວສະກົດ ມ ເປັນ xັມ, ແຕ່ວ່າ xັມ ແບບນີ້ ບໍ່ເຄີຍໃຊ້ໃນພາສາລາວ. ດັ່ງນັ້ນ,
ຈຶ່ງປ່ຽນມານໍາເອົາຮູບສະຫຼະປະສົມ xໍາ ໃຊ້ແທນ.
ອ້າງອີງຈາກປຶ້ມພາສາລາວຊັ້ນມ
(1) 2011 ແລະ ໄວຍາກອນລາວຂອງທ່ານພູມີວົງວິຈິດ
ความคิดเห็น
แสดงความคิดเห็น