ຄຳໃນພາສາລາວ ໄດ້ແບ່ງອອກເປັນ4ຊະນິດຄື:
1.ຄຳເຄົ້າ
ແມ່ນຄຳຕົ້ນຕໍ່
ຫຼື
ຄຳທີ່ມີຄວາມໝາຍໃນຕົວຈິງມັນມາແຕ່ດັ້ງເດີມທີ່ຍັງບໍ່ທັນໄດ້ປະສົມກັບຄຳອື່ນ.ຄຳເຄົ້າໃນພາສາລາວມີ
ສອງຈຳພວກຄື:
- ຄຳເຄົ້າລາວເດີມ: ແມ່ນສ່ວນຫຼາຍຈະເປັນຄຳໂດດ ຫຼື ຄຳພະຍາງດຽວເຊັ່ນ: ດິນ, ນ້ຳ, ລົມ, ໄຟ, ພໍ່,ແມ່, ອ້າຍ, ນ້ອງ, ໄປ, ຍ່າງ,ກິນ...
- ຄຳເຄົ້າທີ່ຢືມມາຈາກພາສາອື່ນ: ສ່ວນຫຼາຍຈະເປັນຄຳຫຼາຍພະຍາງເຊິ່ງປະເທດລາວຮັບຄໍາຈາກຫຼາຍພາສາເຊັ່ນ: ພາສາປາລີ, ພາສາສັນສະກິດ, ພາສາຂະແມ, ພາສາໄທ, ພາສາຫວຽດ, ພາສາຈີນ, ພາສາຝຣັ່ງ, ພາສາອັງກິດ, ພາສາມອນ....
2.ຄຳປະສົມ
ແມ່ນຄຳທີ່ໄດ້ມາຈາກການເອົາຫຼາຍໆຄຳໂຮມເຂົ້າກັນ ເພື່ອສ້າງເປັນຄຳໃໝ່.
+ການປະສົມຄໍາລະຫວ່າງຄໍາເຄົ້າດ້ວຍກັນ
ຕົວຢ່າງ: - ຫ້ອງ+ຮຽນ= ຫ້ອງຮຽນ
- ໄຟ+ຟ້າ= ໄຟຟ້າ
- ຫູ +ໜູ = ຫູໜູ
+ ການປະສົມຄໍາລະຫວ່າງຄໍາເຄົ້າກັບຄໍາປະສົມ
ຕົວຢ່າງ: - ຫ້ອງ+ ທົດລອງ ຫ້ອງທົດລອງ
- ໂຮງ + ສີເຂົ້າ= ໂຮງສີເຂົ້າ
- ໄຫ + ປາແດກ=ໄຫປາແດກ
+ການປະສົມຄໍາລະຫວ່າງຄໍາປະສົມກັບຄໍາເຄົ້າ
ຕົວຢ່າງ: - ໂຮງງານ+ ເກີບ = ໂຮງງານເກີບ
- ດອກໄມ້+ ແດງ=ດອກໄມ້ແດງ
- ນໍ້າຕານ+ ຊາຍ= ນໍ້າຕານຊາຍ
+ ການປະສົມຄໍາລະຫວ່າງຄໍາປະສົມກັບຄໍາປະສົມ
- ຫໍພັກ + ຄູອາຈານ = ຫໍພັກຄູອາຈານ
3.ຄຳສະໝາດ
ແມ່ນການເອົາຄຳເຄົ້າທີ່ມາຈາກພາສາບາລີ-ສັນສະກິດຕັ້ງແຕ່ສອງຄຳຂຶ້ນໄປຕໍ່ກັນໃຫ້ເປັນຄຳດຽວ.
ຕົວຢ່າງ: - ກຳມະ+ກອນ=ກຳມະກອນ
- ວິທະຍາ+ສາດ=ວິທະຍາສາດ
- ເອກະ+ພາບ=
ເອກະພາບ
- ກະວີ +ນິພົນ =ກະວິນິພົນ
- ລັດຖະ +ບານ = ລັດຖະບານ
- ມິດຕະ + ພາບ =ມິດຕະພາບ
- ອັກຄີ + ໄພ =ອັກຄີໄພ
4.ຄຳສົນທິ
ໝາຍເຖິິງ
ການຕໍ່ ຫຼື ເຊື່ອມຄຳ ຂອງພາສາບາລີ-ສັນສະກິດໂດຍວິທີການຕັດຕົວອັກສອນໃຫ້ສັ້ນເຂົ້າ
ເພື່ອໃຫ້ໄດ້ຄວາມໝາຍທີ່ສົມບູນ.
+ ສໍາລັບຄໍາທີ່ມີສະຫຼະໜ້າເປັນອະ ຫຼື ອາ
ຕົວຢ່າງ: -ມະຫາ+ອັນຕະລາຍ=ມະຫັນຕະລາຍ
-ມະຫາ+ອິສິ= ມາເຫສີ
-ມະຫາ+ໂອສົດ= ມະໂຫສົດ
+ສໍາລັບຄໍາທີ່ມີສະຫຼະໜ້າເປັນອິ ຫຼື ອິ
ຕົວຢ່າງ: - ມຸນິເປັນ+ອິນທະ =ມຸນິນທະ
- ທໍລະນີ +ທໍລະນີນທະ= ທໍລະນິນ
+ ສໍາລັບຄໍາທີ່ມີສະຫຼະໜ້າເປັນ ອຸ ຫຼື ອູ
ຕົວຢ່າງ: - ຄຸຣຸ +ອຸປະຖໍາ= ຄຸຣຸປະຖໍາ
- ຄຸຣຸ+ ອຸປະເທດ= ຄຸຣຸປະເທດ
ອ້າງອີງຈາກປຶ້ມພາສາລາວຊັ້ນມ6 2016
ความคิดเห็น
แสดงความคิดเห็น