ຄໍາເຊື່ອມ
ແມ່ນຄໍາທີ່ໃຊ້ເຊື່ອມປະໂຫຍກໜຶ່ງຕິດກັບຂໍ້ຄວາມໜຶ່ງ ຫຼື ຄໍາອື່ນ ເພື່ອຊ່ວຍຊີ້ແຈ້ງຄວາມໝາຍຂອງປະໂຫຍກນັ້ນໃຫ້ແຈ້ງຂຶ້ນຕື່ມ. ຄໍາເຊື່ອມຈະຢູ່ໜ້າຄໍານາມ, ຄໍາແທນນາມ ຫຼື ຄໍາກໍາມະ ແຕ່ຄໍາເຊື່ອມຈໍານວນໜຶ່ງກໍຢູ່ໜ້າປະໂຫຍກ ຫຼື ທ້າຍປະໂຫຍກ.
ຄໍາເຊື່ອມມີ 2 ຊະນິດຄື:
- - ຊະນິດເຊື່ອມຕິດ: ສູ່, ຕາມ, ໃນ, ໃກ້, ໄກ່, ເທິງ, ຍັງ...
- - ບໍ່ເຊື່ອມຕິດ: ດູລາ, ດູກ່ອນ, ຂ້າແຕ່, ແລນາ, ລະບໍ,
ຈັ່ງຊັ້ນແລ້ວ...
ໜ້າທີ່ຂອງຄໍາເຊື່ອມ:
- - ໃຊ້ເປັນຄໍາຂຶ້ນຕົ້ນ ເພື່ອຮຽກຮອງ ຫຼື ເຕື່ອນບອກ.
ຕົວຢ່າງ :ຂ້າແຕ່ສະມາຊິກຄົນທັງຫຼາຍ, ດູກ່ອນທ່ານພູມີກຽດ’.
- - ໃຊ້ເປັນຄໍາມອບທ້າຍປະໂຫຍກ.
ຕົວຢ່າງ: ເຈົ້າບໍ່ເອົາ, ຂ້ອຍກະບໍ່ເອົາລະບໍ.
ພວກເຮົາບໍ່ບອກເພິ່ນກໍບໍ່ຈັ່ງຊັ້ນແລ້ວ.
- - ໃຊ້ຄໍາເຊື່ອມທີ່ຕິດກັບຄໍານາມ, ຄໍາແທນນາມ ແລະ ຄໍາກະມະ.
ຕົວຢ່າງ: ເຮືອນຂອງຂ້ອຍຢູ່ໃກ້ໂຮງຮຽນ,
ນີ້ແມ່ນຂອງຂວັນສໍາລັບເຈົ້າ, ເພິ່ນມາເພື່ອກ່າວເຕື່ອນ.
ອ້າງອີງຈາກປຶ້ມແບບຮຽນພາສາລາວມ2 2012
ความคิดเห็น
แสดงความคิดเห็น