ຄໍາປ່ຽວ ແລະ ພາສາລາວ ບໍ່ປຽນຮູບຄໍາ

+ຄໍາໃນພາສາລາວສ່ວນຫຼາຍຈະເປັນຄໍາໂດດ ຫຼື ຄໍາປ່ຽວເຊັ່ນ: ດິນ, ນໍ້າ, ລົມ, ໄຟ, ກິນ, ນອນ, ໄປ, ມາ, ໝູ, ໝາ, ເປັດ, ໄກ່, ງົວ, ຄວາຍ..

ຕົວຢ່າງ: ຂ້ອຍກິນເຂົ້າ ທັງສາມຄໍານີ້ລ້ວນແລ້ວແຕ່ເປັນຄໍາປ່ຽວທີ່ເອົາມາສ້າງປະໂຫຍກ.

- ຂ້ອຍເປັນຄໍາປ່ຽວ, ເປັນຄໍາແທນນາມ ເຮັດໜ້າທີ່ເປັນຄໍາຕົວຕັ້ງຂອງປະໂຫຍກ,

- ກິນ ເປັນຄໍາປ່ຽວ, ຄໍາກໍາມະເຮັດໜ້າທີ່ເປັນຄໍາກິລິຍາສະແດງອາການຂອງຄໍາຕົວຕັ້ງໃນປະໂຫຍກ.

- ເຂົ້າເປັນຄໍາປ່ຽວ, ເປັນຄໍານາມ ເຮັດໜ້າທີ່ເປັນຄໍາປະກອບຂອງປະໂຫຍກ.

+ພາສາລາວບໍ່ປ່ຽນຮູບຄໍາ

ຄໍາໃນພາສາລາວຈະມີລັກສະນະຄົງທີ່, ບໍ່ປ່ຽນຮູບໄປຕາມປະໂຫຍກ ຫຼື ຕາມກາລະເວລາ.

ຕົວຢ່າງ: - ຂ້ອຍມັກເຈົ້າ

- ເຈົ້າມັກຂ້ອຍບໍ?

- ປີກາຍນີ້, ຂ້ອຍມັກເຈົ້າຫຼາຍ.

- ປີນີ້ ຂ້ອຍແຮ່ງມັກເຈົ້າຫຼາຍ.

ເຮົາຈະສັງເກດໄດ້ວ່າ ບໍ່ວ່າປະໂຫຍກຈະປ່ຽນເປັນຮູບໃດ ຫຼື ກາລະເວລາໃດ ແຕ່ຄໍາໃນປະໂຫຍກກໍບໍ່ມີການປ່ຽນຮູບ: ຂ້ອຍກະຄືຂ້ອຍ, ເຈົ້າກະຄືເຈົ້າ, ມັກກະຄືມັກ ຕ່າງຈາກໃນພາສາອັງກິດ ຈະມີການເປັນຮູບຄໍາ.

ຕົວຢ່າງ: - I love you

- You love me

- He loves her

- Last year I saw you at university of Laos

- Today I see you at supermarket

ເຮົາຈະສັງເກດໄດ້ວ່າພາສາອັງກິດແມ່ນມີການປ່ຽນຮູບຄໍາຕາມປະໂຫຍກ, ຕາມບຸລຸດ ແລະ ຕາມກາລະເວລາ. I ເມື່ອເປັນຄໍາປະກອບຈະເປັນ me, love ເມື່ອໃຊ້ກັບບຸລຸດທີ3 ຈໍານວນໜ້ອຍກໍຈະເປັນ loves, see ໃນອະດີດກໍຈະເປັນ Saw.

+ສະຫຼຸບກໍຄືຄໍາໃນພາສາລາວມີລັກສະນະຄົງຕົວ, ບໍ່ປ່ຽນແປງ, ບໍ່ປ່ຽນຮູບຄໍາ.